close
旅行，為左散心，為左思考未來的路。
呢五日，完全依賴了同行者，自已完全係一個唔用腦既狀態，做左一舊雲，五日咁多。友人不勝其煩，用神級既忍耐力以及包容心， 仲顯示左佢佢八核心既高速運算能力。仲有，幫我食左好多餐，無論係太辣我食唔落，又或者係我唔想食，甚至係我亂叫左D勁辣既野，佢都幫我清曬。真係，感動死我鳥。LOL。THANKS BRO！
其實討厭唔用腦既自已，一放鬆左自已，就變得好春蟲蟲。希望友人唔會咁而憎我，因為呢個朋友，我呢一世人無可能識到第二個＠＠。
韓國，我好中意果種凍冰冰既天氣，乾燥到塊臉甩皮既感覺；越凍先越珍惜果種得來不易既溫暖。好細緻既國家，每一間小店，都有好溫馨既佈置，柔和既燈光，寫意既氛圍。無香港既急促，一呼一吸都係享受緊生活既感覺。
係囉，我幾鐘意韓國，浸溫泉又好，買野又好，食野又好，行山又好，都感覺不錯。
要思考既事，每晚都係度諗，都冇咩結論。
上飛機返香港果一刻，突然有D DEPRESS，唔係因為要返香港，唔係因為唔捨得呢個旅程。係突然有一刻，覺得自已唔想去在乎任何野，唔想再去愛任何人，甚至連自已都唔想愛了，對人和人之間既感情呢樣野有D厭惡。突然變得好唔響往果種好長遠既關係。
突然有一刻，想將自已變成一個對生命麻木既人，將自已死推爛推，試下可以將自已推到幾高。
當有咁既決定既時候，感覺有D寂寞呢！XD
人呀，人。。。好唏噓的說＝3＝
全站熱搜
留言列表
